بێ دل هشتم..
دلبه‌ر دخوازه ڤى جانێ من بستینه
دلێ من دبه و قه‌د ژ بۆ وێ خه‌م نینه
من دهێله ناخوازه قه‌د من ببینه
خوه‌دێ سه‌د هاوار گرانه ئه‌ڤ برینه
من ژێ حه‌ز كر و جاره‌ك نه‌هاته ڕایێ
من قه‌د ژێ نه‌دى ژ غه‌یرى ده‌رد و تایێ
جارنا من دخاپینه دبێ: تێم، نایێ
عه‌مرێم وه‌ها چوو پێڕه كه‌تم به‌لایێ
ئه‌مان ئه‌مان يار ئه‌مان ئه‌مان
تو چووی ئه‌ز مام بۆ كول و خه‌مان
چ خوه‌ست من دایێ من جاره‌ك نه‌گۆت: نا نا
سه‌ردارا دل وه‌كى میرا، وه‌كى خانا
ل به‌ندێ مام و خاپاندم وه‌ك نه‌زانا
عه‌مرێ من هه‌موو بر مام بۆ ده‌رد و ژانا
هه‌ڤالنۆ ده‌ستێم بگرن برین گرانه
ما كى وه‌ك من ده‌ردێ ئه‌ڤینێ دزانه
دلبه‌رام چوو ما بۆ چیه ئه‌ڤ ژیانه
كى وه‌كى من دل مه‌لوول و بێ خودانه